74 شهيد ‏ف ‏بورسعيد

على سرقه الطباشير
واحلاما اللي بنطيرها مع الحمام
لبكاها علي صوت شوبير
وعلى دموع حازم امام
من صراخ امي من لعبي
وخوفها لا حبي للكوره يتعبني
يا ماما.. اللعب بس من امتي كان عيب
هذاكر متقلقيش رغم ان حلمي اكون لعيب
انا دمي كله كوره وهتاف والتراس وتشجيع
عمال احفظ ف هتاف ومزهقتش من كتر التسميع
الليله ماتش الاهلي
عرفاني يامي بحبه زي ما بحب اهلي
يابني خليك ويانا وهمشي حتى اخواتك
واحضر الماتش معانا وهات كل احبابك
لزمتها ايه الغلبه ركز بقي ف كتابك
هتفيدك بايه الكوره فاكرهم هيفوزوا بهتافك
لأول ليل يملاه السواد الحالك
....
زي انهارده من تسع سنين
وجرحي لسه بيبكي وقلبي بيضخ لابني حنين
ابوك لسه بالحسره بيصبرني وهو كله انين
راح فين بقى ابني قولولي راح على فين
طب ذنبه كان المله ولا كان الدين
قتل ولا خان ولا أذى طيب مين
ابوك صوته اتنبح من كل مكالمه بيدور علي ابني الزين
.....
اخويا ف الملعب وسندي لما اتعب
بننط من الفرحه وهتافنا كان بيزيد
مع اننا ف خساره تتعب
لكن احنا جمهور أقوى م الحديد
هنسند اللعيبه وهنهتف عالي لفوق
مش هتكسرنا هزيمه الاهلي دايما فوق
لحد قبل ما يغمى عليا وارجع من تاني وافوق
دلوقت انا ع الارض واخويا هو اللي فوق
.....
ياماما بابا راح على فين
ياماما هو الملعب ده يطلع فين؟
هيجي يوصلني امتي هو نسي تاني عيد ميلاد خالتو نفين
طب لابسه ليه الأسود مش هو لسه جايبلك كان بيجامتين؟
ياماما ردي بابا وحشني هو بابا فين
هو يعني ايه السما ونروحلها منين!
......

هو الاهلي كان عارف لما اختاروا لونه؟
كان لازم ياثرهم بحبه وجنونه
كان لازم يتعلقوا ويعتبروا نفسهم جنوده
كان لازم ينزفوا الدم لاجل عيونه!
74 بيت لسه بتنزف عيونه
.....
ف الذكرى التاسعه💔...
فلول اللي قتلوكوا او حتي خونه
مشجع معمي او التراس افراده هبله
فراقكم صعب وملامحك ف العقل قبل القلب وارده
كان نفسي تشوفوا الاهلي وهو بياخد التاسعه
وحشتونا ف ذكراكم التاسعه❤️
1/2/2012
1/2/2021