ف ‏ي ‏يوم ‏وليله

ف يوم وليله خدنا حلاوه الحب كله
ف يوم وليله
انا وحبيبي دوبنا عمر الحب كله
ف يوم وليله

ف وسط الشتا وانا وحبيبي على صوت ورده
هربنا من روحنا وقت ما ناولته القهوه
همسني ف شعري وخطف مني قلبي على سهوه
اديته قلبي اداني حضن وزين شعري بالورده
ومين يصدق يجري دا كله ف يوم ليله!
البرد قاسي بس احنا مش حاسينه
ومين يشوف البرد والحب قدامنا ولامسينه
حبيبي كله دفا من صوته لكلامه لخطوط جبينه
وكان ليلتها الدنيا بتخبينا من عيون الناس وتدفينا
والأرض بتعاكسنا ومخبيه ضلها فينا

نسيت الدنيا وجريت عليه سبقني هوا وفتح اديه🎶

فضلنا نتمشى وايديا ف ايديه
مبيتكلمش غير قلوبنا وانا بهرب بكسوف من عينيه
شافتنا بنت جميله وضحكت ليه
عجبتك اوي ياسيدي
تحب اجبهالك وفلتْ ايدي من ايديه
هو النكد جاي ف وقت غير وقته ليه!

وورده بتكمل🎶

كنت بحسد كل فرحه اشوفها بين قلبين
كنت اغير من اي نسمه حلوه بين حبيبين
و اااه انا لما صحيت على حبك
وشوفت الدنيا من عندك
اتمني اتمني اتمني كل العشاق يحبوا زي مانا بحبك

وكان ورده عايزه تقولك كل كلام مدفون
باينله لساني عجز ومش فاضلك غير تقرأ كلام العيون
ممكن نهرب واوعدك مش هتهمك وقتها بالجنون!
الخجل قاتلني والضعف مالكني قدام دي العيون
الحب ده وقته ووعدي عمره ما يوم هيهون

انا كنت قبلك ورده قتلها الإهمال وملك عليها الذبول
لكني من بعدك ملكه في لكل مشاكلها حلول
ف غمزلي بعيونه ودفاني بكفوفه
ووعدني بعيونه اني لا يمكن اهون
وانه على قلبي ومنين ما اكون هيكون
فاخدته نتمشى وحكيتله عن حلمي
قولتله نفسي ف بيت نحلم ونتمني
تشاركني فيه مشاكلي وتسندني ف الازمه
تكوني ليا ضهر واكونلك الحضن واللمه
نتعشى سوا ونسهر مع عيالنا
حاوطني بدراعه
وهمسني من تاني
مسالتنيش عني ولا انا مش موجود
انا حلمي ف ابتسامتها يصبح عليها النور
العب ف خدودها وأصبح مع دي الحور
فداعبته بشقاوه مين هي دي ياسيدي!
ف فلحظه ساب ايدي وضمني جواه
وعيوننا اتلاقت وفرحتي اني معاه
رجع صوت ورده من تاني
وهمسني من تاني هتفضلي ف حضني
اصل انتي لزماني!🖤