عيد ‏الحب

بيقولوا عيد الحب قرب
قولت نفسي ف يوم اجرب
بيقولوا حبيبك هيجيبلك ورده
مش لما يجي ونبطل مناهده
....
نفسك يفسحك ف هولندا ولا باريس؟
ياستي بس يجي واناهقفل عليه بالترابيس
مانتي اللي رافضه تشوفي العريس
مانا مش هكون زي المتاعيس
......
عشت عمر طويل بدونه
وحبيته  قبل ما اشوف عيونه
برسم ف بالي شخصيته وجنونه
اول حاجه حدتتها طوله
......
رغم اني معرفكش
وزمانك خاربها ياوحش
بس انت عامل ف دماغي وش
حبيتك وانا معرفكش
......
اديني بتخرج ولا جايب بوكيه ورد ولا نيله
ولا انحنيت على ركبتك ولا قولتلي الله جميله
اديني ف الوحده وقليله الحيله
ولا حد لافتني ولا عارفه هتيجي ف انهي ليله
......
بقالي اتنين وعشرين سنه
بيعدي عيد الحب زي الهوا
طبعا هايص معاها سوا
وانا لسه صداعي وخداله الدوا
.....
بيقولوا ليه الحزن مالي قصايدك
زعلانه ومخنوقه ليه سعادتك
ماهو لو انت تيجي انا هقرف اهلك
فرفوشه واللهي بس لو تيجي باهلك
.....
اهو عيد من تاني بيعدي
كفايه لف وتعالي قصادي وهدي
عايزاك كل اما تشوفني تقولي ياوعدي
وانا هكتب على صورتك اهو جاني سندي
......