زيزي
هربت من الحب رغم جوعها لوجود الاحباب
رفضت تأمن رفضت ترد لحد يوم جواب
رفضت تدي لحد امان رغم قلبها اللي ف حزنه داب
قلبك اتحجر ليه وازاي املك خاب
ازاي تنهى حياتك وتقفلي ف وشها الباب
ازاي تنكسري ف بداياتك عشان واحد ساب
قويه تباني رغم سكوتك بتباني عنيده
وانتي روحك مكسوره مبتحكيش غير دموع وتنهيده
ليه الحزن يتسرسب من تاني بعد اما اختارتي تكوني وحيده
ليه رجعتى للتفكير والقلق حتي النوم صاحبك سابك وحيده
الكل شافك عصبيه وقاسيه وعنيده
ملمسوش خوفك وقلقك وخذلانك ومحاولاتك وسقوطك وقيامك زادوا علي وشك رسمه الخيبه
مش كان بيوصفك بالدفا والحضن والحبيبه
وانه لو الكل بعد عنه وحدك بتكوني قريبه
وحدك استحملتي لخبطته وتعبه وقلقه والحيره
استحملتي بعده وهجره وكنتِ ليه ف برده حيطه
ازاي فرط كده وبقيتي عنه غريبه
ازاي نسى وشاف ف غيرك الطيبه
ازاي لمس ف ايديها الدفا طب كنتي بالنسباله ايه!
كنتي غلطه ولا حكايه وتجربه سخيفه
كنتي مرحله وفتره عدت ورجع للحبيبه
ازاي ف بعده مبتوحشيهوش
ازاي هتشوفيه ومتلمسيهوش
قلبك ف دموعه خلاص بيبوش
ازاي بعد ما تصحي علي عيونه سنين تصحي متشوفيهوش!
خبطت علي بابك وطلبت بدل الفرصه الف
قولتلك حاول متسيبش حبك ليا يجف
لفين هروح وجعني ف بعدك قلبي من كتر اللف
هانت عليك دموعي علي بابك
ازاي استسهلت كده فراقك
عارف ايه حاصلي طيب ف غيابك؟
وحشني حضنك ودفاك وكلامك
صوتك وخناقك وزعلك واكتئابك
وحشنى تقولي انا جاى علشانك
نفسي اشوفك وحشني صدقني كلامك
بهرب من كل الدنيا وبنسي زعلي قصادك
ازاي اقولهم انك فرطت وانا عمر ما قلبي باعك
ازاي اشوف صورها واتعذب لوحدى ف غيابك
احكيلهم عن ظلمك ولا بردك اللي ملي امانك
مين هيطمني ومين هياخد دورك ومكانك
مين هيلم معايا جروحي الموجوعه ف فراقك
اختارت تبعد ولسه ماسك ف سكاتك
طب راضيني قولي انه كابوس وانك لسه مكانك
هسامحك ومش هسيبك دانا مخلوقه علشانك
اروح ليه لطبيب وانا دوايا كان كلامك
كل التعب والفشل وكل محاولاتي كانت علشانك
بخاف عليك وبطمن من بس سلامك
اختارت تكسر اللي باعت كتير علشانك
باعت قيودها واصحابها وبيتها وانت اختارت تفارق
هتلف الدنيا وهفضل بحبك وهتفضل مفارق
هتفضل سهران وياها وانا من بعيد براقب
هتفضل حجر وقلبي هيفضل دايب
عقلي رافض يصدق ان حبيبه سايب
تعليقات
إرسال تعليق