جميله جميلات المدينه🖤
يجوز من حقي اسردك
ويمكن مهما رسمت مش هعرف اوصفك
بنت طفله بقلب ابيض بسيط لكنه يبهرك
من كتر بساطته سهل جدا ياسرك
فيها ضحكه وفيها حب وفيها فرحه تلمسها لما تكلمك
فيها صبر وفيها حضن وفيها قوه تسندك
ليها لازمه ف الكلام وطريقه ف السكات بالساعات هتحيرك
ازاي يكون كل الجمال اتحط فيها لوحدها
حتي بنات الارض حبوا روحها وشكلها
مفيش ولد متشدش ف ثواني لقلبها
مين ميتخطفش ويكتب شعر ف سحرها
هي الحنيه ف الزعل... والشفا ف الجرح
هي البلسم ف الحمل.... وقت الخساره هي ربح
هي فرح
يدخل من غير استئذان
هي جنون مليان امان
هي صاحبه ف كل الازمان
ازاي جرحك تفتكري انه يهون علي انسان
دانتي اللي زيك حبه ضمان
كل البشر من طين الا انتي مخلوقه من حنان
مش حد جاهل كافر بقلبك ومعمي من قوه نورك هو اللي هيديكي الامان انتي وحدك حياه
مش سهل الكلام يوصف كل الجمال اللي اتوجد فيها
ولا كل الكلام هيوفي معانيها
يكفي اقولك ان الحياه قاسيه وعنيده وملخبطه وبتتوهنا ساعات لكنك الشئ الوحيد الصادق فيها
غيابك من حياتنا قرار انك بتنهينا
دا انتي ياست الكل اطيب ما فينا
غلطه ف حقك كانت سبب يطفينا
قسوه وغباء وجهل لو فرطنا ف اللي بيداوينا
وانتي دوا لينا
مفيش ضمان تسامحينا
ولا نسمع صوتك تاني بينادينا
لكن لازم نعترف انك اجمل ما شافت عينينا
ياجميله جميلات المدينه ❤️
تعليقات
إرسال تعليق