تشاركني!
الباقي من عمري تفضل جنبي وفاكرني!
تهتم بكل اللي هاممني
وقتك وحبك وقلبك توهبني
اكون جواك وتكون مالكني
اكون حماك وتفضل حارسني
سالوني عن وصف حبيبي اللي مجاش
ف سالت ازاي هنحب واحد مشاركناش
لو حبيبك مهتمش بتفاصيلك يبقي لسه مجاش
مش كل كلمه بحبك هتشاركك حياتك
كلمه بحبك مش هتسهر بتدعي عشانك
وانت بتقرا اخر سطور ف كتابك
ولا هتسيب العالم عشان تبقي معاك ايا كان مكانك
قلبها مش هينبض وانت بترمي عالي لفوق كابك
الحب مش مكالمه ف نص الليل وصوت خافت
ولا بس لمسه لايديها فكسوفها يملاها وتقول خافت
الحب حياه كامله وشريك بيعوض سنين فاتت
الحب روح اتقسمت مش مشاعر نقول هديت او ماتت
الحب مش صوره وكومنتات وفتره تعدي ونقول مشاعرنا باتت
هنلاقي قلب يحس بروحنا قبل ما تقول احتاجت؟!
وعين تفهم عنينا حتى لو خبت او دارت!
الحب سكن لروحنا مهما لفت ف الدنيا وتاهت
الحب اللون اللي مينفعش يكون باهت
ممكن تشاركني!
ممكن تعوض سنين قبلك فاتتني
ووحده فضلت محوطاني وهددتني
متندمنيش ولا يوم اقول ياريتني
لا اخاف ولا اقلق من الغياب
ولا اصحي ف يوم تكون سايبني
لو مش هتبنيني متكونش انت اللي هاددني
لو يوم ضليت ف الدنيا تكون اللي هديتني
ممكن تشاركني!
شاركني ف فرحك وف حزنك واكتئابك
حكيلي عن كل حلم صحيت لقيته سابك
عن كل عين بكت وانت بتقرا جوابك
عن فراق وبعد احبابك
عن سهرك وحدك باصص علي بابك
عن خوفك وعن قلقك والسبب اللي خلي النوم سابك
واكتب عني كل ليل ف كتابك
وافتكرني دايما ف صلاتك
خليني ف بالك وقت سكاتك
ممكن تشاركني!
الباقي من عمري صدقني شيلاه بس عشانك
رفضت استسلم للواقع واصدق غيابك
انا براك وجواك ووراك وف خوفك هبقي قدامك
من غير ما اعرف هحس بيك وبمكانك
متغيبش ف يوم عن عيني او تفارق
خليك لقلبي دايما مشارك
شاركني وخلي حالي حالك
قبل ما تيجي بوصيك علي قلبي اللي هيختارك عليه مالك
بكتبلك قبل ما اعرف ايه ظروفك واحوالك
ولا انت مين وياتري راسمني ولا لا ف خيالك
بس الاكيد ان قلبي هيحس بوجودك وهيستناك
مهما طال غيابك♥️
هنلاقي قلب يحس بروحنا قبل ما تقول احتاجت؟!
ردحذفوعين تفهم عنينا حتى لو خبت او دارت!
💜حلو 💜خالص💜